តារាសម្ដែងអាមេរិក សញ្ជាតិដើមកូរ៉េ Daniel Dae Kim បានទម្លាយការពិតថាពេលនេះ លោកកំពុងមានផ្ទុកមេរោគ COVID-19 ពិតប្រាកដមែន។
តារាសម្ដែងដែលល្បី ឈ្មោះតាមរយៈភាពយន្តមានចំណងជើងថា «Lost» និង «Hawaii 5-0» បានសរសេរបង្ហោះលើ Instagram របស់ខ្លួនថា «បទពិសោធន៍របស់ខ្ញុំក្នុងការទប់ទល់ប្រឆាំងនឹងមេរោគឆ្លងកូរ៉ូណា! សួស្ដីអ្នកទាំងអស់ ម្សិលមិញខ្ញុំបានធ្វើតេស្តរក COVID-19 និងហេតុផលដែលបណ្ដាលឲ្យមានមេរោគនេះ។ មើលទៅ ខ្ញុំដូចជាមិនអីទេ ប៉ុន្តែខ្ញុំចង់ចូលរួមជាមួយអ្នកទាំងអស់គ្នាដោយសង្ឃឹមថា អ្នកនឹងទទួលបានសារដ៏មានប្រយោជន៍។ សង្ឃឹមថាគ្រប់គ្នានឹងមានសុវត្ថិភាព តាំងចិត្តឲ្យស្ងប់ ជាពិសេសសូមមានសុខភាពល្អ»៕
