ភ្នំពេញ៖ ទីតាំងណេត Net អត់យីហោ មួយកន្លែង សង្ស័យអត់ច្បាប់ ស្ថិតនៅផ្លូវ៨៦ សង្កាត់ស្រះចក ខណ្ឌដូនពេញ រាជធានីភ្នំពេញ ចំងាយប្រហែល២០០ម៉ែត្រពីវិហារចាម កំពុងតែបើកដំណើរការ បង្គប់ល្បែងស៊ីសងតាមអនឡាញ «បៀរ Joker » និងល្បែងស៊ីសងគ្រប់ប្រភេទផ្សេងៗទៀត យ៉ាងរលូន។
តាមការលើកឡើងរបស់បងប្រុសម្នាក់ដែលរស់នៅតំបន់នោះ បានបង្ហើបឲ្យដឹងថា៖ ទីតាំងណេតមួយកន្លែងខាងលើនេះ បើកទទួលភ្ញៀវទាំងយប់ទាំងថ្ងៃ ជាពិសេសសំបូរទៅដោយជនអនាធិបតេយ្យ គ្មានមុខរបរពិតប្រាកដ ចូលទៅលេងហ្គេមJoker យ៉ាងអនាធិបតេយ្យ និងមិនទាន់អាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋានចុះបង្ក្រាបទប់ស្កាត់ឡើយ។
ប្រជាពលរដ្ឋ ដដែលបានបន្តទៀតថា៖ រាល់យប់ពួកគាត់មានការព្រួយបារម្ភ យ៉ាងខ្លាំងចំពោះសុខទុក្ខរបស់គាត់ ព្រោះទីតាំងណេតបង្គប់ល្បែងស៊ីសងខុសច្បាប់ កំពុងតែដំណើរការយ៉ាងរលូននៅក្នុងមូលដ្ឋាន និងសំបូរទៅដោយជនញៀនល្បែង ដែលមានសភាពស្លេកស្លាំង ស្គាំងស្គម ដូចជនញៀនថ្នាំ។
ប្រជាពលរដ្ឋស្នើសុំទៅដល់ លោក សុខ ពេញវុធ អភិបាលនៃគណៈអភិបាលខណ្ឌដូនពេញ និងលោក ទៀង ចាន់សា អធិការនគរបាលខណ្ឌដូនពេញ សូមមេត្តាចាត់កម្លាំងជំនាញចុះពិនិត្យមើលទីតាំងណេតខាងលើនេះផងទាន។
ដោយ:សុិន ខ្វាន់ឆា
ទំនាក់ទំនងព័ត៌មាន:010840732/0977620036