យោងតាមសេចក្តីណែនាំស្តីពីគោលការណ៍ប្រតិបត្តិស្តង់ដារ របស់ក្រសួងអប់រំ យុវជន និងកីឡា ដែលចេញកាលពីថ្ងៃម្សិលមិញ ត្រង់វិធានការទី៥ បានបញ្ជាក់ថា អ្នកសិក្សា និងបុគ្គលិកអប់រំត្រូវចាក់វ៉ាក់សាំងបង្ការជំងឺកូវីដ១៩ឲ្យបានគ្រប់ៗគ្នា និងត្រូវបង្ហាញប័ណ្ណចាក់វ៉ាក់សាំងកូវីដ១៩ មុនពេលចូលគ្រឹះស្ថានសិក្សា។
បើតាមក្រសួងអប់រំ ក្នុងករណីបុគ្គលិកអប់រំ និងអ្នកសិក្សាមិនបានចាក់វ៉ាក់សាំងកូវីដ១៩ មិនគួរអនុញ្ញាតឲ្យចូលក្នុងបរិវេណគ្រឹះស្ថានសិក្សា ឬការរៀនតាមបណ្តុំទេ ប៉ុន្តែអាចបង្រៀន និងរៀនតាមប្រព័ន្ធអនឡាញបាន ខណៈអ្នកសិក្សា ឬបុគ្គលិកអប់រំដែលមានជំងឺប្រចាំកាយ ឬអាយុច្រើនគួរអនុញ្ញតឲ្យរៀន និងបង្រៀនតាមអនឡាញ៕
