យោងតាមការប្រកាសរបស់ក្រសួងសុខាភិបាល នៅថ្ងៃទី២៦ ខែសីហា ឆ្នាំ២០២១ នេះ បានឲ្យដឹងថា កម្ពុជាបានរកឃើញអ្នកឆ្លងជំងឺកូវីដ-១៩ ថ្មី តែចំនួន ៤២៣នាក់, ចំនួននេះ គឺជាចំនួនធ្លាក់ចុះមួយគួរឲ្យរីករាយ។
ជាមួយគ្នានេះ ករណីស្លាប់ដោយសារកូវីដ១៩ ក៏ធ្លាក់ចុះគួរឲ្យកត់សម្គាល់ដែរ ពោលនៅថ្ងៃនេះ មានតែត្រឹម ៦នាក់ប៉ុណ្ណោះ។
សម្រាប់ករណីជាសះស្បើយវិញ នៅថ្ងៃមានមនុស្ស ២៩១នាក់បានជាសះស្បើយពីជំងឺកូវីដ១៩។
គិតត្រឹមថ្ងៃទី២៦ ខែសីហា ឆ្នាំ២០២១ កម្ពុជារកឃើញអ្នកឆ្លងជំងឺកូវីដ១៩៖ សរុបចំនួន៩០,៩៥៨នាក់, អ្នកជាសះស្បើយសរុបចំនួន៨៦,៩៩៣នាក់, ស្លាប់សរុបចំនួន១,៨៤១នាក់៕
