រថយន្តចំនួន៨៨គ្រឿង និងម៉ូតូចំនួន ២១៦គ្រឿង ត្រូវបានកម្លាំងសមត្ថកិច្ច នៃស្នងការដ្ឋាននគរបាលរាជធានីភ្នំពេញធ្វើការឃាត់ទុក ដោយសារតែបានល្មើសនឹងបំរាមគោចរ ពីម៉ោង៩យប់ ដល់ម៉ោង៣ភ្លឺ។
យោងតាមច្បាប់ អ្នកដែលល្មើសបម្រាមគោចរ ចំពោះម៉ូតូនឹងត្រូវផាកពិន័យ ចំនួន ២០ ម៉ឺនរៀល ចំណែក រថយន្ត ១ លានរៀល។
សូមបញ្ជាក់ថា រដ្ឋបាលរាជធានីភ្នំពេញ បានចេញសេចក្ដីសម្រេចអនុវត្ត បម្រាមគោចរ ចាប់ពីម៉ោង ៩យប់ ដល់ម៉ោង ៣ ភ្លឺ នៅរាជធានីភ្នំពេញ រហូតដល់ថ្ងៃទី ១២ ខែសីហា ឆ្នាំ២០២១៕
