យោងតាមរបាយការណ៍របស់អនុគណៈកម្មការតាមដាន និងវាយតម្លៃ នៃគណៈកម្មការចំពោះកិច្ចចាក់វ៉ាក់សាំង កូវីដ១៩ ក្នុងក្របខណ្ឌទូទាំងប្រទេស បានឲ្យដឹងថា នៅថ្ងៃទី១ សីហា ម្សិលមិញ ដែលជាថ្ងៃដំបូង នៃយុទ្ធនាការចាក់វ៉ាក
សាំងកូវីដ១៩ ចំពោះកុមារ និងយុវវ័យ ដែលមានអាយុចាប់ពី ១២ ដល់ក្រោម ១៨ឆ្នាំ មានកុមារ និងយុវវ័យចំនួន ៣៦៨៣០នាក់ បានមកទទួលវ៉ាក់សាំងកូវីដ១៩ ដែលស្មើនឹង១,៨៧% នៃចំនួនកុមារ និងយុវវ័យ ដែលត្រូវចាក់វ៉ាក់សាំង ទូទាំងប្រទេស ១ ៩៦៦ ៩៣១នាក់។
សូមបញ្ជាក់ថា យុទ្ធនាការចាក់វ៉ាក់សាំងដល់កុមារ និងយុវវ័យ អាយុចាប់ពី ១២ឆ្នាំ ដល់អាយុក្រោម ១៨ឆ្នាំ ចាប់ផ្តើមដំបូង នៅរាជធានីភ្នំពេញ ខេត្តកណ្តាល ខេត្តព្រះសីហនុ និងខេត្តកោះកុង។
