កាលពីវេលាម៉ោងប្រមាណ១រំលងអាធ្រាត្រ ឈានចូលថ្ងៃទី ២៨ ខែកក្ដដា ឆ្នាំ២០២១នេះ មានករណីអគ្គីភ័យមួយកើតបានកើតឡើងនៅចំណុចផ្ទះលេខ៤៨ ផ្លូវ២៨៩ សង្កាត់បឹងកក់ទី២ ខណ្ឌទួលគោក រាជធានីភ្នំពេញ ដោយបណ្តាលឲ្យឆេះហាង និងទូរ ATM មួយខ្ទេច ។
បើតាមរបាយការណ៍របស់សមត្ថកិច្ច ករណីអគ្គិភ័យនេះ គឺបណ្តាលមកពីឆ្លងចរន្តអគ្គិសនីពីទូរ ATM ដែលនៅខាងមុខហាង រួចក៏រាលដាលមកឆេះហាងតែម្តង តែពុំបណ្ដាលអោយឆេះរាលដាលដល់ផ្ទះអ្នកជិតខាងឡើយ ។
យ៉ាងណាក៏ដោយ ករណីអគ្គិភ័យនេះ សមត្ថកិច្ចប្រើពេលប្រមាណជិត១ម៉ោងទើបអាចគ្រប់គ្រងស្ថានការណ៍បាន ដោយប្រើប្រាស់រថយន្តពន្លត់អគ្គិភ័យ ចំនួន ០៦ គ្រឿង និងប្រេីប្រាស់ទឹកអស់ ០៣ ឡាន ស្មើនឹង ១២ ម៉ែត្រគូប៕
