មន្រ្តីដែលទាត់កញ្រ្ជែងលក់ព្រីងរបស់ក្មេងស្រីនៅផ្សារកំពង់ស្ពឺ ត្រូវបានទម្លាក់តំណែង

មន្រ្តីដែលបានប្រើហិង្សា​ទាត់​កញ្រ្ជែងក្មេងស្រីលក់ព្រីងម្នាក់បណ្តាល​ឲ្យ​ធ្លាក់រាយប៉ាយ​ពេញដីនៅ​ផ្សារ​កំពង់ស្ពឺ កាលពីថ្ងៃទី១៩ ខែឧសភានោះ ពេលចុះរៀបចំសណ្តាប់ធ្នាប់នោះ ត្រូវបានទម្លាក់តំណែង​ហើយ​។

តាម​សេចក្តីសម្រេចចុះថ្ងៃទី២១ ខែឧសភា ឆ្នាំ​២០២១ របស់អភិបាល​ក្រុង​ច្បារមន បានបញ្ចប់តួនាទីភារកិច្ចលោក ឡាក់ ប៊ុនធីម លេខាធិការដ្ឋបាល ថ្នាក់លេខ៧ ពីនាយករងរដ្ឋបាល​សាលា​ក្រុង​ច្បារមន មក​ជា​មន្រ្តី នៃរដ្ឋបាល​ក្រុង​ច្បារមន នៃខេត្ត​កំពង់ស្ពឺវិញ។