នៅថ្ងៃទី២២ មេសា ២០២១ អាជ្ញាធរស្រុកកំពង់ត្របែក នៃខេត្តព្រៃវែង បានធ្វើការផាកពិន័យមនុស្សចំនួន៦នាក់ ដោយម្នាក់ចំនួន ២លានរៀល ដែលពួកគេបានបំពាននឹងបំរាមមិនឲ្យមានការជួបជុំ ក្នុងបរិបទ នៃជំងឺកូវីដ១៩។
លោក យ៉ាវសានិន អភិបាលស្រុកកំពង់ត្របែក បានមានប្រសាសន៍ថា មនុស្សទាំង៦នាក់នេះ បានល្មើសនឹងអនុក្រឹត្យស្តីពីវិធានការរដ្ឋបាលដើម្បីទប់ស្កាត់ការឆ្លងរាលដាល នៃជំងឺកូវីដ-១៩ ដោយពួកគេបានប្រមូលផ្តុំគ្នាហូបចុកមានមនុស្សច្រើន ដូច្នេះអ្នកទាំង៦នាក់ ត្រូវបានផាកពិន័យក្នុងម្នាក់ៗ ២លានរៀល។
ក្រោយពីការពិន័យហើយ ពួកគេក៏ត្រូវបានបញ្ជូនយកទៅធ្វើចត្តាឡីស័ករយៈពេល១៤ថ្ងៃផងដែរ៕
