តាមសេចក្តីប្រកាសព័ត៌មានរបស់ក្រសួងសុខាភិបាលនៅព្រឹកថ្ងៃទី២៤ ខែកុម្ភៈ ឆ្នាំ២០២១នេះបានឲ្យដឹងថា គេបានរកឃើញអ្នកវិជ្ជមានវីរុសកូវីដ១៩សរុបចំនួន ៤០នាក់បន្ថែមទៀត ក្នុងនោះ ៣៨នាក់ គឺជាករណីព្រឹត្តិការណ៍សហគមន៍២០កុម្ភៈ។
បើតាមការបញ្ជាក់របស់ក្រសួងសុខាភិបាល អ្នកឆ្លងក្នុងសហគមន៍ចំនួន ៣៨នាក់ថ្មីនេះ គឺមានជនជាតិចិនចំនួន ៣៥នាក់ ជនជាតិវៀតណាមចំនួន ២នាក់ និងជនជាតិខ្មែរ១នាក់។
គិតត្រឹមព្រឹកថ្ងៃទី២៤ ខែកុម្ភៈ ឆ្នាំ២០២១នេះ កម្ពុជាមានករណីវីរុសកូវីដ១៩ សរុបចំនួន ៦៣៣ករណី ហើយសម្រាប់អ្នកឆ្លងក្នុងព្រឹត្តិការណ៍សហគមន៍ ២០កុម្ភៈ គឺកើនសរុបចំនួន ១៣៧នាក់ហើយ៕
