កាលពីដើមខែឧសភាកន្លងទៅនេះ ក្រោយពីមានភាពល្បីល្បាញរឿងឆាតញ៉ែស្រីតាមបណ្តាញសង្គម ភិក្ខុ ឡុង ចន្ថា ត្រូវបានសម្តេចសង្ឃនាយកឲ្យចូលខ្លួនទៅធ្វើការដោះស្រាយ ហើយពេលនោះ ភិក្ខុដែលគង់នៅវត្តភ្នំអង្គបូរីអង្គនេះ បានធ្វើកិច្ចសន្យាថា ខ្លួននឹងសឹកនៅថ្ងៃទី១៤ ខែឧសភា ដើម្បីកុំឲ្យខូចតម្លៃព្រះពុទ្ធសាសនា។
ប៉ុន្តែនៅថ្ងៃទី១៤ ខែឧសភា ម្សិលមិញនេះ ភិក្ខុ ឡុង ចន្ថា មិនបានសឹកដូចកិច្ចសន្យាឡើយ ដោយបានលើកឡើងថា «ផ្នួសរបស់ខ្ញុំព្រះករុណាអាត្មាភាព មិនទាន់អស់និស្ស័យនៅឡើយនោះ ទូលព្រះបង្គំទទួលកំហុស នឹងប្រព្រឹត្តតាមព្រះវិន័យ ឲ្យបានល្អប្រសើរឡើងវិញ»។
