តាមសេចក្តីជូនដំណឹងរបស់ក្រសួងធនធានទឹក និងឧតុនិយមបានឲ្យដឹងថា ដោយសារជ្រលងសម្ពាធខ្ពស់ពីប្រទេសចិននឹងរំកិលចុះក្រោម ជាមួយនឹងខ្យល់មូសុងឦសានបង្កើនល្បឿនបក់មកលើប្រទេសកម្ពុជា នឹងធ្វើឲ្យបណ្តាខេត្តនៅតំបន់វាលទំនាបកណ្តាលអាចនឹងមានភ្លៀងក្នុងកម្រិតខ្សោយទៅមធ្យមនៅថ្ងៃទី១៥ និងថ្ងៃទី១៦ ខែធ្នូ។
សម្រាប់បណ្តាខេត្តជាប់ជួរភ្នំដងរែក និងខ្ពង់រាបឦសានសីតុណ្ហភាពអាចមានពី២០ ទៅ២២អង្សាសេ តែនៅថ្ងៃទី២០-២២ ខែធ្នូ សីតុណ្ហភាពអាចធ្លាក់មក ១៧-២០អង្សាសេ។
សម្រាប់តំបន់មាត់សមុទ្រវិញ ពីថ្ងៃទី២១-២២ ខែធ្នុ សីតុណ្ហភាព អាចមានពី២០-២២អង្សាសេ ហើយអាចមានភ្លៀងក្នុងកម្រិតពីខ្សោយទៅមធ្យម នៅថ្ងៃទី១៥ និងថ្ងៃទី១៦។
ជាមួយគ្នានេះ ក្រសួងស្នើដល់បងប្អូនប្រជាពលរដ្ឋ ពិសេសវីរៈកងទ័ពរស់នៅ និងឈរជើងនៅតំបន់ជួរភ្នំដងរែក និងខ្ពង់រាបឦសាន សូមយកចិត្តទុកដាក់ថែរក្សាសុខភាព ចំពោះធាតុអាកាសត្រជាក់នេះ៕
