ក្រសួងសុខាភិបាលបានឲ្យដឹងនៅក្នុងសេចក្តីជូនដំណឹងរបស់ខ្លួននាព្រឹកថ្ងៃទី១០ ខែធ្នូ ឆ្នាំ២០២០នេះថា គេបានរកឃើញវិជ្ជមានករណីវីរុសកូវីដ១៩ចំនួន២ករណី ដោយក្នុងនោះ ១ករណីជាករណីឆ្លងក្នុងសហគមន៍ និង១ករណីទៀតជាករណីនាំចូល។
ករណីក្នុងសហគមន៍នោះ គឺជាបុរសជនជាតិខ្មែរ អាយុ៣៧ឆ្នាំ ស្នាក់នៅសង្កាត់បឹងកក់២ ខណ្ឌទួលគោក បានទៅហាង Zando សាខាបឹងកេងកង ដែលហាងនេះបានរកឃើញអ្នកមានវីរុសកូវីដ១៩ចំនួន៥នាក់រួចមកហើយ។
ចំណែកករណីមួយទៀត គឺបុរសជនជាតិខ្មែរ អាយុ ២៩ឆ្នាំ គាត់ជាអ្នកដំណើរមកពីប្រទេសជប៉ុន ដោយឆ្លងកាត់ប្រទេសកូរ៉េខាងត្បូង មកដល់កម្ពុជានៅថ្ងៃទី១៨ ខែវិច្ឆិកា ឆ្នាំ២០២០៕
