ក្រសួងអប់រំ យុវជន និងកីឡា នៅថ្ងៃសុក្រនេះ បានជូនដំណឹងដល់សាធារណជនទាំងអស់ដែលហាត់ប្រាណ ឬលេងកីឡា និងហាត់ហ្វឺកហ្វឺន ក្នុងបរិវេណពហុកីឡដ្ឋានជាតិទាំងអស់ ត្រូវផ្អាកចូលបរិវេណពហុកីឡដ្ឋានជាតិ ចាប់ពីថ្ងៃទី០៧ រហូតដល់ថ្ងៃទី១២ ខែធ្នូ ឆ្នាំ២០២០។
ការផ្អាកនេះ ត្រូវបានក្រសួងបញ្ជាក់ថា គឺដើម្បីឆ្លើយតបតាមតម្រូវការចាំបាច់របស់ក្រសួងសុខាភិបាល ក្នុងការយកទីតាំងពហុកីឡដ្ឋានជាតិសម្រាប់ប្រមូលសំណាកធ្វើតេស្តលើកទី២ នៃព្រឹត្តិការណ៍សហគមន៍ ២៨វិច្ឆិកា៕
