លោក ឆែ វណ្ណឌី អភិបាលស្រុកកោះធំបន្ទាប់ពីទទួលបានព័ត៌មានពីអ្នកកាសែតអំពីករណីទីតាំងល្បែង ស៊ី សងតាមអនឡាញនៅព្រឹកថ្ងៃទី២៩ខែកក្កដាឆ្នាំ២០២៤ លោកបានចាត់ឲ្យអភិបាលរងស្រុកដឹកនាំកម្លាំងចម្រុះចុះបង្ក្រាបភ្លាមៗ។
បន្ទាប់ពីទទួលបានបទបញ្ជាពីលោកអភិបាលស្រុកកោះធំភ្លាម នៅថ្ងៃទី២៩ខែកក្តដាឆ្នាំ២០២៤ វេលាម៉ោង០៩និង ២២នាទី កម្លាំងគណះបញ្ជាការឯកភាពស្រុកកោះធំ ដឹកនាំដោយលោក ឡា ស្លេះ អភិបាលរង ស្រុកកោះធំ និងមានការចូលរួមពីលោក ស្រ៊ាន ម៉េងលី នាយករងរដ្ឋបាលស្រុកកោះធំ និងលោក ខែម សុជាតិ ស្មៀនឃុំកោះធំ(ខ) លោកស្រី ដុប ហៃវណ្ណា ជំទប់ទី១,លោក ខាន់ ចាន់ថា អធិការរងនគរបាលស្រុកកោះធំ,លោក សុខ សូរ៉ែល នាយរងប៉ុស្តិកោះធំ(ខ) លោក សៅ ឌឿន នាយផ្នែកយុត្តិធម៌ បានចុះបង្រ្កាបជាក់ស្តែងនៅចំណុចទីតាំងកេីតហេតុមួយកន្លែង ដោយបានឃាត់ខ្លួនជន សង្ស័យចំនួន០២នាក់ ដែលមាន÷
១/ឈ្មោះ គិត ស្រីយុិច ភេទស្រី អាយុ ២៨ឆ្នាំ ជនជាតិ ខ្មែរ មានទីលំនៅភូមិពាម ឃុំកំពង់រាប ស្រុកព្រៃកប្បាសខេត្តតាកែវមានមុខរបរ ជាភ្នាក់ចាត់ចែងបើកលេងល្បែងសុីសងខុសច្បាប់ត្រូវបានឃាត់ខ្លួននិង២/ឈ្មោះ ស ជា ភេទប្រុស អាយុ ៧៤ឆ្នាំជនជាតិខ្មែរ ដែលមានទីលំនៅបច្ចុប្បន្នភូមិស្វាយតាមេឃ ឃុំកោះធំ(ខ) ស្រុកកោះធំ ខេត្តកណ្តាលមានមុខរបរជាកសិករនិងជាម្ចាស់ផ្ទះត្រូវបានឃាត់ខ្លួន។
+សម្ភារះវត្ថុតាងចាប់យករួមមាន៖
១/កុំព្យូទ័រ ម៉ាកdhpពណ៍ ស ចំនួន០១គ្រឿង។
២/កូនកណ្តុរ(ម៉ៅសំរាប់ចុច)ចំនួន០១ ។
៣/ដុំភ្លេីង សាកថ្ម ចំនួន០១គ្រឿង។
៤/ដុំWIFI ពណ៍ស ចំនួន០១គ្រឿង។
៥/ឃីប៊តសម្រាប់ចុច ចំនួន០១គ្រឿង។
៦/ប្រាក់រៀលចំនួន៥០មុឺនរៀល)។
៧/ព្រីខ្សែភ្លើងចំនួន០១។
ជនសង្ស័យទាំងពីរនាក់ ដែលជាភ្នាក់ងារបើកលេងល្បែងសុីសងខុសច្បាប់ និងម្ចាស់ផ្ទះផ្តល់ទីតាំងបើកលេងល្បែងសុីសងខុសច្បាប់ រួមជាមួយនិងវត្ថុតាងដែលបានចាប់យកខាងលើនេះ ត្រូវបានយកមកសាកសួរនៅអធិការដ្ឋាន នគរបាលស្រុកកោះធំ ដើម្បីកសាងសុំណុំ រឿងនិងចាត់ការតាមនិតិវិធី។
នៅចំពោះមុខសមត្ថកិច្ចជនសង្ស័យទាំងពីរនាក់បាន ឆ្លេីយសារភាពថាពួកខ្លួនពិតជាបានប្រព្រឹត្តសកម្មភាពបើកលេងល្បែងសុីសងខុសច្បាប់ពិតប្រាកដមែន។
បច្ចុប្បន្នជនសង្ស័យរួមជាមួយវត្ថុតាងបានឃាត់ខ្លួននិងរក្សាទុកនៅអធិការដ្ឋាននគរបាលស្រុកកោះធំ ដេីម្បីចាត់ការតាមនីតីវិធីច្បាប់៕
