សេចក្តីរាយការណ៍បានឲ្យដឹងថា យ៉ាងហោចណាស់មនុស្ស២នាក់បានរងរបួស ក្រោយពីក្របីមួយក្បាលបានដេញវ័ធ កាលពីថ្ងៃទី១២ ខែមិថុនា ឆ្នាំ២០២៣ នៅចំណុចផ្សារអគ្គក្នុងក្រុងប៉ោយប៉ែត ។
ជនរងគ្រោះដោយក្របីវ័ធត្រូវគេបញ្ជាក់ថា ទី១មានឈ្មោះ ហង្ស ខៀវ ភេទប្រុស អាយុ៤៨ឆ្នាំនៅភូមិគីឡូម៉ែត្រ៤ សង្កាត់ផ្សារកណ្ដាល ក្រុងប៉ោយប៉ែត, ជនរងគ្រោះទី២មានឈ្មោះ សុវណ្ណ ស្រីលាក់ភេទស្រីអាយុ៣៧ឆ្នាំ មុខរបលក់បាយ មានស្រុកកំណើតនៅខេត្តបាត់ដំបង។
បើតាមអ្នកឃើញហេតុការណ៍និយាយថា ក្របីឡើង ក មួយក្បាលនោះបានបោលចេញពីភូមិផ្សារកណ្ដាលក្រុងប៉ោយប៉ែតដោយបោលតាមបណ្ដោផ្លូវជាតិលេខ៥មកចូលក្នុងផ្សារអគ្គ និងបានវ័ធទៅលើជនរងគ្រោះកំពុងតែជិះម៉ូតូបណ្ដាលឲ្យរងរបួសតែម្ដង។ ក្រោយពីវ័ធទៅលើជនរងគ្រោះក្របីនោះ បានព្យាយាមបោលដេញវ័ធអ្នកស្រុកនិងបោលតាមផ្លូវមួយចំនួនទៀតនៅតាមបណ្ដាលផ្លូវបេតុងក្នុងក្រុងប៉ោយប៉ែតបង្កការភ្ញាក់ផ្អើលដល់សមត្ថកិច្ច និងពលរដ្ឋផងដែរ។
យ៉ាងណាក៏ដោយ បើតាមលោកអធិការក្រុងប៉ោយប៉ែត សៅ សារឿន ឲ្យដឹងថា ក្របីឡើង កខាងលើនោះត្រូវបានកម្លាំងលោកព័ទ្ធចាប់បានហើយតែកុំ ពុងស្វែងរកមកចាស់ដើម្បីប្រគល់ឲ្យម្ចាស់វិញ៕