គណៈកម្មាធិការជាតិ រៀបចំការបោះឆ្នោត (គ.ជ.ឞ) បានប្រកាសថា ប្រព័ន្ធផ្លាស់ប្តូរឯកសារចុះឈ្មោះបោះឆ្នោតពីចម្ងាយ (អនឡាញ) លើកដំបូង សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២០ នឹងដាក់ឲ្យដំណើរការចាប់ពីថ្ងៃទី២៨ ខែមេសា ឆ្នាំ២០២០នេះ ដល់ថ្ងៃទី១៩ ខែតុលា ឆ្នាំ២០២០។
តាមការបញ្ជាក់របស់ គ.ជ.ប ការផ្លាស់ប្តូរឯកសារនេះ នឹងធ្វើឡើងតាមរយៈគេហទំព័រ voterlist.nec.gov.kh ដោយអ្នកមានឈ្មោះ និងទិន្នន័យក្នុងអត្តសញ្ញាណប័ណ្ណសញ្ជាតិខ្មែរ ប្រភេទថ្មីមានឈីប ដូចគ្នាទៅនឹងឈ្មោះ និងទិន្នន័យក្នុងបញ្ជីបោះឆ្នោតចុងក្រោយ ឆ្នាំ២០១៩ អាចស្នើសុំផ្លាស់ប្តូរអត្តសញ្ញាណប័ណ្ណប្រភេទថ្មីរបស់ខ្លួនតាមអនឡាញនេះបាន។ ដោយឡែកអ្នកដែលមានឈ្មោះ ឬទិន្នន័យក្នុងអត្តសញ្ញាណប័ណ្ណប្រភេទថ្មីមានឈីប ខុសគ្នាទៅនឹងឈ្មោះ និងទិន្នន័យក្នុងបញ្ជីឈ្មោះបោះឆ្នោតចុងក្រោយឆ្នាំ២០១៩ ត្រូវទៅជួបជាមួយក្រុមចុះឈ្មោះបោះឆ្នោតក្នុងឃុំ សង្កាត់ ដែលខ្លួនកំពុងរស់នៅដើម្បីស្នើសុំកែតម្រូវឈ្មោះ ឬទិន្នន័យក្នុងបញ្ជីបោះឆ្នោត ឲ្យដូចគ្នាទៅនឹងឈ្មោះ ឬទិន្នន័យក្នុងអត្តសញ្ញាណប័ណ្ណសញ្ជាតិខ្មែរប្រភេទថ្មីរបស់ខ្លួន ក្នុងអំឡុងពិនិត្យបញ្ជីឈ្មោះ និងការចុះឈ្មោះបោះឆ្នោតចាប់ពីថ្ងៃទី១ ដល់ថ្ងៃទី១៩ ខែតុលា ឆ្នាំ២០២០។
សូមអានសេចក្តីជូនដំណឹងរបស់ គ.ជ.ប ៖
