ខេត្តបាត់ដំបង ៖ ដោយអនុវត្តតាមការណែនាំបញ្ជាផ្ទាល់ពី ឯកឧត្ដម ឧត្តមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចជាលោក ឧត្តមសេនីយ៍ត្រី លឹម ពុទ្ធីឡា ស្នងការរង ផែនការងារនគរបាលព្រហ្មទណ្ឌ លោក វរសេនីយ៍ឯក ឈឿង គឹមសុង ស្នងការរង ដឹកនាំការិយាល័យនគរបាលព្រហ្មទណ្ឌកម្រិតស្រាល លោក វរសេនីយ៍ឯក ផង់ សុភាព ស្នងការរង ដឹកនាំការិយាល័យនគរបាលព្រហ្មទណ្ឌកម្រិតធ្ងន់ និង មានការសម្របសម្រួលទៅលេីនីតិវិធីពី ឯកឧត្ដម កែវ សុជាតិ ព្រះរាជអាជ្ញា នៃអយ្យការអមសាលាដំបូងខេត្តបាត់ដំបង។
នៅថ្ងៃទី ១១ ខែ មេសា ឆ្នាំ ២០២៣ វេលាម៉ោង ១១:០៦ នាទី នៅចំណុចភូមិអង់ សង្កាត់អូរចារ ក្រុងបាត់ដំបង ខេត្តបាត់ដំបង កម្លាំងក្រុមអន្តរាគមន៍ បង្ការ បង្ក្រាប សហការជាមួយកម្លាំងការិយាល័យនគរបាលព្រហ្មទណ្ឌកម្រិតធ្ងន់ ដែលដឹកនាំដោយលោក វរសេនីយ៍ឯក កោ ស៊ុនកាំង ជានាយការិយាល័យ កម្លាំងអធិការដ្ឋាននគរបាលក្រុងបាត់ដំបង កម្លាំងអធិការដ្ឋាននគរបាលស្រុកសង្កែ កម្លាំងអធិការដ្ឋាននគរបាលស្រុកភ្នំព្រឹក កម្លាំងអធិការដ្ឋាននគរបាលស្រុកថ្មគោល កម្លាំងអធិការដ្ឋាននគរបាលស្រុកបវេល កម្លាំងកងរាជអាវុធហត្ថខេត្តបាត់ដំបង ចុះប្រតិបត្តិការ បង្ក្រាបករណី ឃាតកម្ម ( ប្រេីប្រាស់កាំភ្លេីងខ្លីបាញ់សម្លាប់ ) ០១ ករណី និងបានធ្វេីការនាំខ្លួនជនសង្ស័យ ចំនួន ០៦ នាក់ មកកាន់ស្នងការដ្ឋាន ។
១. ឈ្មោះ វុធ សួខសួស្តី ហៅ សល់ ភេទប្រុស អាយុ ២៥ ឆ្នាំ មានទីលំនៅ ភូមិអន្លង់ក្រូច ឃុំបួរ ស្រុកភ្នំព្រឹក ខេត្តបាត់ដំបង ។ ( ជាជនដៃដល់ )
២. ឈ្មោះ ឡុង ស្រីចើត ភេទប្រុស អាយុ ២១ ឆ្នាំ មានទីលំនៅ ភូមិក្បាលឡាន ឃុំអំពិលប្រាំដើម ស្រុកបវេល ខេត្តបាត់ដំបង ។ ( ជាបក្សពួក )
៣. ឈ្មោះ កៅ លីគួ ភេទប្រុស អាយុ ២១ ឆ្នាំ មានទីលំនៅ ភូមិបោសឡោក ឃុំសឿ ស្រុកមង្គលបូរី ខេត្តបន្ទាយមានជ័យ ។ ( ជាបក្សពួក )
៤. ឈ្មោះ កែវ ឡេងហាក់ ភេទប្រុស អាយុ ២៣ ឆ្នាំ មានទីលំនៅ ភូមិអូរស្បែកកប្រេីស ឃុំអំពិលប្រាំដើម ស្រុកបវេល ខេត្តបាត់ដំបង ។ កម្លាំងកងរាជអាវុធហត្ថ ឃាត់ខ្លួន ( ជាបក្សពួក )
៥. ឈ្មោះ លឹម គឹមថុង ភេទប្រុស អាយុ ១៨ ឆ្នាំ មានទីលំនៅ ភូមិអន្លង់ស្តី ឃុំអំពិលប្រាំដើម ស្រុកបវេល ខេត្តបាត់ដំបង ។ កម្លាំងកងរាជអវុធហត្ថឃាត់ខ្លួន ( ជាបក្សពួក )
៦.ឈ្មោះ ស៊ី សំ ភេទប្រុស អាយុ ២៧ ឆ្នាំ មានទីលំនៅ ភូមិសៀម ឃុំអំពិលប្រាំដើម ស្រុកបវេល ខេត្តបាត់ដំបង ។ កម្លាំងកងរាជអវុធហត្ថឃាត់ខ្លួន ( ជាបក្សពួក )
ឆ្លងតាមការសួរយកចម្លើយ ជនសង្ស័យ បានឆ្លើយសារភាពថា “ពួកខ្លួន បានប្រើប្រាស់កាំភ្លើងខ្លី បាញ់ទៅលើជនរងគ្រោះ នៅចំណុចកើតហេតុខាងលើ ប្រាកដមែន ” ។
សូមបញ្ជាក់ថា កាលពីថ្ងៃទី ០៩ ខែ មេសា ឆ្នាំ ២០២៣ វេលាម៉ោង ១២:៣៥ នាទី នៅចំណុចក្រុមទី ៦១ ភូមិបឹងព្រីង ឃុំបឹងព្រីង ស្រុកថ្មគោល ខេត្តបាត់ដំបង ជនសង្ស័យទាំង០៦ នាក់ខាងលើ បានចូលរួមធ្វេីសកម្មភាព បាញ់សម្លាប់ជនរងគ្រោះ ឈ្មោះ រឿង ប៉ូឡូ ភេទប្រុស អាយុ ២៨ ឆ្នាំ មានទីលំនៅភូមិបឹងព្រីង ឃុំបឹងព្រីង ស្រុកថ្មគោល ខេត្តបាត់ដំបង បណ្តាលឱ្យរងរបួស ០១ គ្រាប់ ត្រូវត្រង់ទ្រូងខាងឆ្វេង ( ស្លាប់ពេលបញ្ជូនទៅដល់មន្ទីរពេទ្យ ) ។
វត្ថុតាងដកហូតរួមមាន
- អាវុធខ្លី ០១ ដេីម
- ម៉ូតូចំនួន ០៥ គ្រឿង
បច្ចុប្បន្នការិយាល័យនគរបាលព្រហ្មទណ្ឌកម្រិតធ្ងន់កំពុងធ្វេីការ កសាងសំណុំរឿងដេីម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធី៕
ដោយ:សុិន ខ្វាន់ឆា
ទំនាក់ទំនងព័ត៌មាន:010840732/061881299