ខេត្តបន្ទាយមានជ័យ ៖ ទីតាំងលួចលាក់បាញ់អាប៉ោមួយកន្លែង ត្រូវបានកម្លាំងនគរបាលក្រុងប៉ោយប៉ែត ចុះបង្ក្រាបនៅព្រឹកមិញនេះ។ កន្លែងបាញ់អាប៉ោង ស្ថិតនៅចំណុចភូមិអូរជ្រៅ សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។ការបង្ក្រាបនេះបញ្ជារផ្ទាល់ដោយលោកវរសេនីយ៍ឯកឯកសៅ សារឿន អធិការនគរបាលក្រុងប៉ោយប៉ែត ដឹកនាំដោយលោកវរសេនីយ៍ត្រីគង់ សុភ័ក្រ នាយប៉ុស្តិ៍និមិត្ត។
យោងតាមការបញ្ជាក់ពីលោកសៅ សារឿន អធិការនគរបាលក្រុងប៉ោយប៉ែត បានប្រាប់បណ្ដាញសារព័ត៌មានពេញចិត្តមេឌា
ក្រោយពីបានការរាយការណ៍ពីអ្នក សារព័ត៌មានថា មានការលួចលេងល្បែងស៊ីសងបាញ់អាប៉ោងនៅភូមិអូរជ្រៅ សង្កាត់និមិត្ត ក្រុងប៉ោយប៉ែត។លោកក៏ដាក់កម្លាំងឲ្យចុះត្រួតពិនិត្យមើលនិងធ្វើការបង្ក្រាប ប៉ុន្តែ នៅពេលដែលកម្លាំងសមត្ថកិច្ចចុះទៅដល់ចំណុច ដែលបានថាមានការលួចលាក់លេងល្បែងស៊ីសងបាញ់អាប៉ោង គឺមិនមានករណីលេងល្បែងស៊ីសងបាញ់អាប៉ោងនោះទេ។ ឃើញមានតែរោងមួយទុកចោលនៅចំណុចខាងលើ លោកក៏បានបញ្ជា ឲ្យរុះរើរោងនោះយកមករក្សាទុកនៅប៉ុស្តិ៍រដ្ឋបាលនិម្មិត។
ជាចុងក្រោយ លោកវីរៈសេនីយ៍ឯកសៅ សារឿន អធិការនគរបាលក្រុងប៉ោយប៉ែត ក៏សូមថ្លែងអំណរគុណ ដល់អ្នកសារព័ត៌មាន ដែលបានសហការរាយការណ៍ជូនសមត្ថកិច្ច នគរបាល ដើម្បីរួមចំណែកទប់ស្កាត់បទល្មើសនានានៅក្នុងមូលដ្ឋាន៕
ដោយ: សុិន ខ្វាន់ឆា
ទំនាក់ទំនងព័ត៌មាន:010840732/061881299