ក្រៅពីបានប្រកាសចេញស្មាតហ្វូនម៉ាក Nokia ជំនាន់ថ្មីជាច្រើនហើយ ក្រុមហ៊ុន HMD Global ក៏បាននាំយកមកវិញនូវទូរសព្ទ Nokia បុរាណចេញឆ្នាំ ២០០៧ មកលក់លើទីផ្សារជាថ្មី ដោយមានការផ្លាស់ប្ដូររូបរាង និងបន្ថែមបច្ចេកវិទ្យាថ្មីៗ។
Nokia 5310 ស៊េរីឆ្នាំ ២០២០ គឺមានបំពាក់កាមេរ៉ាប្រភេទ VGA នៅផ្នែកខាងក្រោយ នៅបំពាក់អេក្រង់ QVGA ទំហំ ២,៤ អ៊ីញ ដែលមានគ្រាប់ចុចនៅផ្នែកខាងក្រោមនៃអេក្រង់។ វាក៏មានអង្គផ្ទុកទំហំ ១៦MB ជាមួយរន្ធសម្រាប់ដោតមេមូរីកាតបន្ថែមទំហំដល់ ៣២GB ដែលស្មើនឹងចម្រៀង ៨ ពាន់បទ។
នៅផ្នែកសងខាងនៃទូរសព្ទជំនាន់ថ្មីនេះ គឺមានគ្រាប់ចុចតូចៗសម្រាប់បញ្ជាចម្រៀង សម្រាប់បញ្ជាការទទួល ឬបិទការហៅចោល និងបញ្ជាមុខងារជាច្រើនទៀត។ ទូរសព្ទនេះគឺប្រើប្រាស់ប្រព័ន្ធប្រតិបត្តិការ FireFox OS។
បន្ទះឈីបរបស់គឺជា MediaTek MT6260A ដែលមាន RAM ទំហំ ៨MB និងថ្មទំហំ ១២០០ mAh ដែលអាចដោះចេញបាន ហើយ HMD អះអាងថាវាអាចទ្រាំទ្រការ Standby រហូតដល់ ៣០ ថ្ងៃ។ HMD នឹងលក់ទូរសព្ទ 5310 ស៊េរីថ្មីនេះចាប់ពីអំឡុងខែមីនានេះ ជាមួយតម្លៃប្រហែល ៤១ ដុល្លារនៅអឺរ៉ុប ដែលមានជម្រើសពណ៌ខ្មៅ និងស៕
